சின்னச் சின்னப் புத்தகம் - வாணிதாசன்

சின்னச் சின்னப் புத்தகம்
சிறுவர் படிக்கும் புத்தகம்
அன்னை போல எந்த நாளும்
அறிவை ஊட்டும் புத்தகம்!

படங்கள் நிறைந்த புத்தகம்
பாடல் நிறைந்த புத்தகம்
கடலைப் போல என்றும் வற்றாக்
கருத்தை ஊட்டும் புத்தகம்!

கதைகள் சொல்லும் புத்தகம்
கண்ணைத் திறக்கும் புத்தகம்
மண்ணை விண்ணை விளங்கி நல்ல
வாழ்வளிக்கும் புத்தகம்!

பாட்டி போலப் புத்தகம்,
பச்சைச் சிரிப்பைக் காட்டியே
ஏட்டு வாயால் நித்தம் நித்தம்
இனிக்க இனிக்கச் சொல்லுமே