அ-ப்-பா - நளாயினி

வாருங்கள்!
எனது அப்பாவைப்படிப்போம்.!
அழகியவாழ்க்கை.!
செல்லமாய் எனது அப்பாவின்!
கன்னம் கிள்ளி!
செவியைத்திருகி!
தலையில் குட்டி!
அவரின் மனதுள்!
சிம்மாசனம் போட்டு!
அமர்ந்திருப்பவள் நான்.!
அப்பா அப்பா அப்பா!
சொல்லிப்பாருங்கள் நீங்களும்.!
எனக்குள் சந்தோசம்!
நிரம்பிவழிகிறது!
தூவானத்துடன் கூடிய மழைநாள்.!
அம்மாவின் கையால் தேநீர்.!
அப்பாவின் மடி.!
சங்கீதம்.!
திருட்டுத்தனம்!
பொய்.!
வீடெங்கும் அமைதி.!
அப்பாவின் புன்சிரிப்பு.!
விடுமுறைநாள்.!
எனது களவு!
கண்டும் காணாமல்.!
அப்பாவின் செருமல்.!
தொடுகை!
அரவணைப்பு!
விழிமொழி!
புன்சிரிப்பு!
புரியாத புதிர் அப்பா.!
மெலிதான அதட்டல்!
கோபமான பார்வை!
தடியெடுப்பது போன்ற பாவனை!
ஆனாலும் அப்பா!
தோற்றுப்போவது ஏனோ என்னிடம் தான்