அகதிகள் - கோகுலன். ஈழம்

அகதிகள்.!
யார் இவர்கள்?!
அலையின் சருகடிப்பில்!
ஒதுக்கப்பட்ட கரை ஒதுங்கிகளா?!
விதியால் எறியப்பட்ட!
மிச்சத்துண்டுகளா?!
உயிர் சுமந்த!
பிணங்களா?!
குளில் கால மரங்களாய்!
இலை உலுப்பி!
என்புகள் தெரிய!
நிர்வாணக்கோலமிடும்!
குழந்தை வயோதிபமா?!
நடுக்கடல்......!
கொள் கலன்......!
உச்சிப்பனிமலை......!
பாதி விழித்து!
மீதி இறந்து!
குற்றுயிராகி!
நாடு கடந்து......!
அன்னிய தேசத்து!
ஆழ்துழை சிறைகளில்!
நினைவுகளை கசக்கி கசக்கி!
ஏதோ ஓர் மூலையில்!
மொட்டை அடித்த பிண்டங்களாய்......!
முகமறியா மூதாதையுடன்!
சில வேளை கடவுளுடன்!
காலம் கடத்தியும்!
கடத்திக்கொண்டும்!
குருதி உறிஞ்சிகளின்!
ஊர்வலத்தில்!
இன்னும்......!
தேசம் கடந்தும்?!
தேசத்திற்குள்ளும்?!
ஏக்கப்பெரு மூச்சில்!
இதயம் கனக்கிறது.!
--கோகுலன்.!
ஈழம்