இறுதிச் சடங்கு - ஜே.பிரோஸ்கான்

புதைக்கப்படும் அவ்வுடலை நினைப்பது!
எவ்வளவு பெரிய சஞ்சலம்.!
அங்குமிங்குமாக புரட்டி புரட்டி!
நீராட்டிய அந்தவுடலை,!
இறுதியாக பார்க்க எவ்வளவு ஆனந்தம்,!
கவலைகள் சுமந்த பொழுதென்றாலும்!
இறுதிப் பார்வை ஆனந்தம் தான்.!
இறுதிப் படுக்கை வரை!
எத்தனை சடங்கில்!
எத்தனை சண்டையில்!
எத்தனை விருந்தில் கலந்து!
இன்பப்பட்ட அந்தவுடல்,!
நோயில் விழுந்து தோய்ந்து!
இறந்து போன பின்!
மறுக்கவும் தடுக்கவும் முடியாமல்!
மண்ணில் புதையுண்டு போவது!
கட்டளையெனின்.!
புதைக்கப்பட்டவுடல் நண்பனாக!
அல்லது உறவாக இருந்து போனாலும்!
மண்ணில் புதையுண்டு போகும் போது!
பார்ப்பது கஷ்டம் தான்,!
அடக்கஸ்தளம் விட்டுப் போகும் வரையில்.!