மலருமா வாழ்வில் எழுச்சி? - இரா சனத், கம்பளை

உயிரை இழந்து!
உறவுகளை இழந்து!
உடமைகளை இழந்து!
உறங்கிக்கொண்டிருப்பவர்களா நாம்?!
அகதி முகாமிலும்!
அண்டை வீட்டிலும்!
ஆதரவற்றோராய் வாழ்பவரா நாம்?!
உ ரிமைகளை முடக்கிக்கொண்டு!
உதிரத்தை சிந்திக்கொண்டு!
உயிரற்ற சடலமாய்!
வாழ்பவர்களா நாம்?!
பிறக்கும்போது வீட்டில் துன்பம்!
வளரும்போது நாட்டில் துன்பம்!
வாழும்போது சூழலில் துன்பம்!
நம் வாழ்க்கையில் மட்டும்!
ஏனடா துன்பம்....?!
இரத்தக் கறைகளையும்!
இனவாத பிரச்சினைகளையும்!
இனிமேலும் காணாமல்!
மலருமா நம் வாழ்வில் எழுச்சி...?