நம் காதல் - தமிழ்மதியன்

உன் உச்சந்தலைபரப்பு
சோலையில்
விழித்தெழுந்து,

உன் நெற்றிபரப்பு
தகவல் பலகையில்
என் நிகழ்ச்சி நிரலை
தெரிந்துகொண்டு,

உன் விழிகளின்
சூரிய ஒளியில்
என் பயணத்தின்
பாதையை அறிந்து கொண்டு,

உன் உதடுகளின் அசைவினால்
உற்பத்தியாகும் கட்டளைகளை
கவனத்தில் கொண்டு,

உன் காதின் பொன் வளையங்கள்
எழுப்பும் ஓசையின்
உதவி கொண்டு,

உன் இதயத்தை மட்டுமே
இலக்காக நினைத்து கொண்டு,

இவ்வுலக முடிவுவரை
நான் மேற்கொள்ள விரும்பும்
வெற்றிப் பயணம்...
நம் காதல்