நாம் இப்பொழுது - பாஷா

என்ன செய்துகொண்டிருப்பாய் நீ !
நீ நடந்த வீதிகளின் !
ஒவ்வொரு அங்குலத்திலும் !
உன் நினைவுகளை !
நான் சேகரித்துகொண்டிருக்கும்பொழுது! !
யாருடைய தோள்களில் !
நீ சாய்ந்திருப்பாய் !
என் மனம்,மெய்,உயிரெல்லாம் நீயெ என !
தொடங்கும் உன் பழைய கவிதை படிக்கும்பொழுது! !
எந்த குடையின் கீழ் !
ஒதுங்கியிருப்பாய் !
யாருமற்ற பாலையில் !
தொடர்ந்து விழும் சாரல் !
உன் நினைவை என்மேல் !
தெளிக்கும்பொழுது! !
புணர்ச்சியின் எத்தனையாவது !
தளத்தில் நீ நிற்பாய் !
காமம் தலைக்கேறி நான் !
கட்டிய மனைவியின் !
கரம் பற்றும்பொழுது! !
உன் குழந்தைக்கு என்ன !
கதை நீ சொல்லிகொண்டிருப்பாய் !
கானல் நீரான நம் காதலை !
என் ஒரு மாத குழந்தைக்கு சொல்கையில்