ஏழையின் கனவு - கலைமார்தாண்டம்

கோடி நட்சத்திரம் கண்களில் மலர்ந்தது
காட்சியை இரசிக்கத்தான் மனமில்லை
சுவரில் மோதியவலி பின்தலையில்.

கண்களில் தெரிந்தது நீரின் காட்சி
தாகம் தணிக்குமா கானல் நீர்?
ஏழையின் கனவு.

வாழ்வின் சந்தோசமான தருணங்கள்;
ஏழை நினைப்பதும் நடக்கின்றது
கலைத்துவிடாதீர் தூக்கத்தை!.

அருகில் தெரிந்தது தொடுவானம்!...
தொட்டுவிட தொடர்ந்தே நடந்தேன்...
தொடர்கதையானது ஏழ்மையைப்போல.

வானம் பொய்த்துவிட்டது...
யாருக்கு இங்கே புரியும்?...
உதிரும் இலையின் வலி.