உசிரெல்லாம் ஒண்ணு - அறிவு

உலகில் வாழும்
உயிர்கள் எல்லாமே-ஒரு
வகையிலே ஒண்ணு தான்

மனித சாதிக்கு மட்டும்
என்ன-அப்படி
மகத்துவம்னு புரியலே

நிலையில்லாதத வாழ்வை மறந்து
நிம்மதிய தொலைச்சு
ஓடி ஓடி சம்பாதிச்சு
ஓய்ஞ்சு போய் உட்காரயிலெ
உன் ரத்தம் கூட-உனக்கு
ஒத்தாசைக்கு வராதுன்கிறதை
ஏன் உணற மறுக்கிறே

வாழும் வரை இங்கு
நன்மைங்கிற தீபத்தை
நாம ஏத்தலைன்னாலும் தேவலை
துன்பங்கிற தீவட்டியை-யாரும்
தூக்காமப் பார்த்தாலே
பிறந்த வாழ்க்கையிலெ
அர்த்தம் வந்து சேரும்

உசிரெல்லாம் ஒண்ணு தான்னு
மனிதா- நீ
உணர்ந்துக்கிட்டா போதும்
உலகத்துப் பிரச்சனைகள்
ஒரளவு தீரும்