கவிதை

தமிழ்ச் சொட்டும் கவிதைகள்!

திரையில் மலர்ந்த கவிதைகள்

ஐயய்யோ நெஞ்சு அலையுதடி

படம்: ஆடுகளம்

 

ஐயய்யோ நெஞ்சு அலையுதடி
ஆகாயம் இப்போ வளையுதடி
என் வீட்டில் மின்னல் ஒளிருதடி
எம்மேல நிலா பொழியுதடி
உன்னப்பார்த்த அந்த நிமிஷம்
உறைஞ்சி போச்சே நகரவே இல்ல
திண்ண சோறும் செறிக்கவே இல்ல
புலம்புறேன் நானே…
உன் வாசம் அடிக்கிறக்காத்து எங்கூட நடக்கிறதே
என் சேவல் கூவுற சத்தம் உம்பேராக் கேட்கிறதே……

 

உன்னத் தொடும் அணல் காத்து
கடக்கையிலப் பூங்காத்து
கொழம்பித்தவிக்குதடி எம்மனசே…
ஓ திருவிழா கடைகளைப்போல தெனருறேன் நான் தானே
எதிரில் நீ வரும்போது மெறளுறன் ஏன் தானோ?
கண் சிமிட்டும் தீயே என்னை எரிச்சிப்புட்ட நீயே

 

மழைச்சாரல் விழும் வேல மண் வாசம் மணம் வீச
ஓ மூச்சு தொடவே நான் மிதந்தேன்….
கோடையில அடிக்கிற மழையா… நீ என்ன நனைச்சாயே..
இருட்டுல அணைக்கிற சுகத்தை பார்வைல கொடுத்தாயே
பாதகத்தி என்னை ஒரு பார்வையால கொன்ன
ஊரோட வாழுற போதும் யாரோடும் சேரல நா …

 

-ஸ்நேகன்


 

Add a comment

நெஞ்சில் நெஞ்சில் இதோ இதோ

படம்: எங்கேயும் காதல்

நெஞ்சில் நெஞ்சில் இதோ இதோ

நெஞ்சில் நெஞ்சில் இதோ இதோ
காதல் காதல் பிறந்ததோ
கொஞ்சும் காற்றில் மயங்கியே
கொஞ்சம் மேலே பறந்ததோ
மாலை வேளை வேலை காட்டுதோ
என் ஜூலை வானம் ஜுவாலை மூட்டுதோ

(நெஞ்சில்..)

என் நிலாவில் என் நிலாவில்
ஒரு மின்சாரல் தான் தூவுதோ
என் கனாவில் என் கனாவில்
உன் பிம்ப துகழ்கள் இன்பங்கள் பொழிகையில்

(நெஞ்சில்..)

ஒரு மௌனம் பறவும் சிறு காதல் பொழுது
கிழியில் விழையும் மொழியில் எதுவும் கவிதையடி
அசையும் இமையும் இசையில் எதுவும் இனிமையடி
விண் மார்பில் படரும் உன் பார்வை திறவும்
இதயம் புதரில் சிதறி சிதறி வழிவதேன்
ஓர் உதிரும் துளியில் உதிரம் முழுதும் நதிர்வது ஏன்
உருகாதே உயிரே விலகாதே மனதே
உன் காதல் வேரை கானவேண்டி
வானம் தாண்டி உனக்குள் நுழைந்த

(நெஞ்சில்..)

பசி ஏறும் இதழும் பசி ஏறும் விரலும்
இரதம் உடுத்து இறையை விறயும் நேரம் இது
உயிரின் முறையில் மயிரின் இழையும் நூரம் அது
ஒரு வெள்ளை திரையாய் உன் உள்ளம் திறந்தாய்
சிறுக சிறுக இரவை திருடும் தாரிகையே
விடியும் வரையில் விரலும் இதழும் தூரிகையே
விடியாதே இரவே முடியாதே கனவே
நீ இன்னும் கொஞ்சம் நீலகோரின் காதல் கானி துடிக்க துடிக்க

(நெஞ்சில்..)

-மதன் கார்க்கி
Add a comment

சின்னக் குயில் கூவும் சங்கத்தமிழ் பாடும்

படம்: யாவரும் நலம்

சின்னக் குயில் கூவும் சங்கத்தமிழ் பாடும்
சின்னக் குயில் கூவும் சங்கத்தமிழ் பாடும்
கண்ணின் இமைகள் திறந்திடும் காலை இது
சொந்தங்களை நாடும் சோம்பலுடன் தேடும்
புத்தம் புதிதாய் பிறந்திடும் வேளை இது
மழைத்துளி ஆயிரம் கடல் மடி தேடுதே
அலைகளாக மாறி துள்ளி ஆடிடவே

பட்ட பகல் வானம் வந்து விளையாடும்
வந்து விழும் மேற்கு நோக்கி ஒரு சூரியன்
வந்த கணம் மேலே வெள்ளி வாலி போலே
வந்து விழும் வெண்ணிலா

அடித்தால் அன்று தானே என்று அதை
தள்ளி விட்டுச் சென்றிடுமே
தோளோடு மறைந்திடும் வலி மனதில் சேர்வதில்லை
அணைத்தால் கோழிக்குஞ்சை போல வந்து
இன்னும் கொஞ்சம் ஒட்டிக்கொள்ளும்
அன்பெனும் கதகதப்பிலே கௌரவம் பார்ப்பதில்லை
ஓ மழைத்துளி ஆயிரம் கடல் மடி தேடுதே
அலைகளாக மாறி துள்ளி ஆடிடுவே
- தாமரை
Add a comment

வெண்மேகம் பெண்ணாக உருவானதோ

படம்: யாரடி நீ மோகினி

வெண்மேகம் பெண்ணாக உருவானதோ
வெண்மேகம் பெண்ணாக உருவானதோ
என் நேரம் எனைப் பார்த்து விளையாடுதோ
உன்னாலே பல ஞாபகம்
என் முன்னே வந்தாடுதே…
ஒரு நெஞ்சம் திண்டாடுதே…
வார்த்தை ஒரு வார்த்தை சொன்னால் என்ன?
பார்வை ஒரு பார்வை பார்த்தால் என்ன?
உன்னாலே பல ஞாபகம்
என் முன்னே வந்தாடுதே…
ஒரு நெஞ்சம் திண்டாடுதே…


மஞ்சள் வெயில் நீ..
மின்னல் ஒளி நீ..
உன்னைக் கண்டவரை
கண் கலங்க நிற்க வைக்கும் தீ…
பெண்ணே என்னடி.. உண்மை சொல்லடி..
ஒரு புன்னகையில் பெண்ணினமே கோபபட்டதென்னடி…
தேவதை வாழ்வது வீடில்லை கோயில்
கடவுளின் கால் தடம் பார்க்கிறேன்
ஒன்றா.. இரண்டா.. உன் அழகை பாட
கண் மூடி ஒரு ஓரம் நான் சாய்கிறேன்
கண்­ரில் ஆனந்தம் நான் காண்கிறேன்
உன்னாலே பல ஞாபகம்
என் முன்னே வந்தாடுதே…
ஒரு நெஞ்சம் திண்டாடுதே…

எங்கள் மனதை கொள்ளை அடித்தாய்
இந்த தந்திரமும் மந்திரமும்
எங்கு சென்று படித்தாய்?
விழி அசைவில் வலை விரித்தாய்
உன்னை பல்லக்கினில்
தூக்கி செல்ல கட்டலைகள் விதித்தாய்
உன் விரல் பிடித்திடும்
வரம் ஒன்று கிடைக்க…
உயிருடன் வாழ்கிறேன் நானடி
என் காதலும் என்னாகுமோ…
உன் பாதத்தில் மண்ணாகுமோ…

- நா.முத்துக்குமார்
{youtube}1z9pw3ZMEJM{/youtube}
Add a comment

பூம்பாவாய் ஆம்பல் ஆம்பல்

படம் : சிவாஜி
பூம்பாவாய் ஆம்பல் ஆம்பல்
பூம்பாவாய் ஆம்பல் ஆம்பல்
புன்னைகயோ மெளவல் மெளவல்

உன் பூ விழி பார்வை போதுமடி
என் பூங்கா இலைகளும் மலருமடி
உன் கற்கொலுசொலிகள் போதுமடி
பல கவிஞர்கள் கற்பனை தவிடுபொடி...

வாஜி வாஜி வாஜி – என்
ஜீவன் நீ சிவாஜி
வாஜி வாஜி வாஜி – என்
ஜீவன் நீ சிவாஜி

அன்பா… வாளை எடு
அழகைச் சாணையிடு!
உன் ஆண்வாசனை
என் மேனியில்
நீ பூசிவிடு!!

அடி நெட்டை நிலவே…
ரெட்டைத் திமிரே
நெஞ்சில் முட்டிக் கொல்லு…
*

ஒரு வெண்ணிலவை
மணக்கும் மன்மதன் நான்
என் தேனிலவெ
ஒரு நிலவுடன் தான் அவள் யாருமில்லை
இதோ இதோ இவள் தான்…

புன்னகைப் பேரரசே…
தேன் குழைத்து
பூவுக்குள் குளிப்பீரா?
விடியும் வரை
மார்புக்குள் இருப்பீரா?
விழிகளுக்குள்
சிறுதுயில் கொள்வீரா?

பெண்களிடம்
சொல்வது குறைவு
செய்வது அதிகம்
செயல் புயல் நானடி…
*

பொன் வாக்கியமே…
வாய் வாத்தியமே…

உன் வளைவுகளில்
உள்ள நெளிவிகளில்
வந்து ஒளிந்துகொண்டேன்
சுகம் சுகம் கண்டேன்!

ஆனந்த வெறியில் நான்
ஆடைகளில் பூமியை முடிந்து கொண்டேன்
விண்வெளியில் ஜதி சொல்லி ஆடி…
வெண்ணிலவைச் சகதியும் ஆக்கி விட்டேன்

ஆடடடா…..
குமரியின் வளங்கள்
குழந்தையின் சிணுங்கல்
முரண்பாட்டு மூட்டை நீ….
- வைரமுத்து
Add a comment

நிலவு தூங்கும் நேரம்

படம் : குங்குமச் சிமிழ்
நிலவு தூங்கும் நேரம்


நிலவு தூங்கும் நேரம் நினைவு தூங்கிடாது
இரவு தூங்கும் நேரம் உறவு தூங்கிடாது
இது ஒரு தொடர்கதை தினம் தினம் வளர்பிறை

நான்கு கண்ணில் இன்று ஒரு காட்சியானதே
வானம் காற்று பூமி இவை சாட்சியானதே
நானுனைப் பார்த்தது பூர்வ ஜென்ம பந்தம்
நீண்ட நாள் நினைவிலே வாடுமிந்த சொந்தம்
நான் இனி நீ... நீ இனி நான்
வாழ்வோம் வா கண்ணே!

கீதை போலக் காதல் மிகப் புனிதமானது
கோதை நெஞ்சில் ஆடும் இந்தச் சிலுவை போன்றது
வாழ்விலும் தாழ்விலும் விலகிடாத நேசம்
வாலிபம் தென்றலாய் என்றும் இங்கு வீசும்
ஏன் மயக்கம் ஏன் தயக்கம்
கண்ணே வா இங்கே

- கங்கை அமரன்
Add a comment

படைப்புகளை வெளியிட

 உங்கள் கவிதையை இந்த இணையதளத்தில் வெளியிட விரும்பினால் "இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.இம்மின்னஞ்சல் முகவரியானது spambots இடமிருந்து பாதுகாக்கப்படுவதால், நீங்கள் இதைப் பார்ப்பதற்கு JavaScript ஐ இயலுமைப்படுத்த வேண்டும் " என்ற முகவரிக்கு மின்-னஞ்சல் செய்யுங்கள் அல்லது இந்த இணைப்பில் உங்கள் கவிதைகளைப் பதியுங்கள். தயவுசெய்து தங்கள் கவிதையை தமிழில் தட்டச்சு செய்து அனுப்பவும்.

கவிதைச் சார்ந்த

 

இன்றைய கவிதை

பயனாளர் பகுதி