கவிதை

தமிழ்ச் சொட்டும் கவிதைகள்!

திரையில் மலர்ந்த கவிதைகள்

சத்தம் இல்லாத தனிமை கேட்டேன்

படம்: அமர்க்களம்

 

சத்தம் இல்லாத தனிமை கேட்டேன்
யுத்தம் இல்லாத உலகம் கேட்டேன்
ரத்தத்தில் என்றென்றும் வேகம் கேட்டேன்
ரகசியமில்லா உள்ளம் கேட்டேன்

சத்தம் இல்லாத தனிமை கேட்டேன்
யுத்தம் இல்லாத உலகம் கேட்டேன்
ரத்தத்தில் என்றென்றும் வேகம் கேட்டேன்
ரகசியமில்லா உள்ளம் கேட்டேன்

சத்தம் இல்லாத தனிமை கேட்டேன்
யுத்தம் இல்லாத உலகம் கேட்டேன்
ரத்தத்தில் என்றென்றும் வேகம் கேட்டேன்
ரகசியமில்லா உள்ளம் கேட்டேன்
உயிரைக்கிள்ளாத உறவைக் கேட்டேன்
ஒற்றைக் கண்ணீர்த் துளியைக் கேட்டேன்
வலிகள் செய்யாத வார்த்தைக் கேட்டேன்
வயதுக்குச் சரியான வாழ்க்கைக் கேட்டேன்
இடிகள் இல்லாத மேகம் கேட்டேன்
இளமை கெடாத மோகம் கேட்டேன்
பறந்து பறந்து நேசம் கேட்டேன்
பாசாங்கில்லாத பாசம் கேட்டேன்
புல்லின் நுனியில் பனியைக் கேட்டேன்
பூவின் மடியில் படுக்கைக் கேட்டேன்
தானே உறங்கும் விழியைக் கேட்டேன்
தலையைக் கோதும் விரலைக் கேட்டேன்
நிலவில் நனையும் சோலைக் கேட்டேன்
நீலக் குயிலின் பாடல் கேட்டேன்
நடந்து போக நதிக்கரை கேட்டேன்
கிடந்து உருளப் புல்வெளி கேட்டேன்
தொட்டுப் படுக்க நிலவைக் கேட்டேன்
எட்டிப் பிடிக்க விண்மீன் கேட்டேன்
துக்கம் மறந்த தூக்கம் கேட்டேன்
தூக்கம் மணக்கும் கனவைக் கேட்டேன்
பூமிக்கெல்லாம் ஒரு பகல் கேட்டேன்
பூவுக்கெல்லாம் ஆயுள் கேட்டேன்
மனிதர்க்கெல்லாம் ஒரு மனம் கேட்டேன்
பறவைக்கெல்லாம் தாய் மொழி கேட்டேன்
உலகுக்கெல்லாம் சம மழை கேட்டேன்
ஊருக்கெல்லாம் ஒரு நதி கேட்டேன்
வானம் முழுக்க நிலவைக் கேட்டேன்
வாழும்போதே சுவர்க்கம் கேட்டேன்
எண்ணம் எல்லாம் உயரக் கேட்டேன்
எரியும் தீயாய் கவிதை கேட்டேன்
கண்ணீர் கடந்த ஞானம் கேட்டேன்
காமம் கடந்த யோகம் கேட்டேன்
சுற்றும் காற்றின் சுதந்திரம் கேட்டேன்
சிட்டுக் குருவியின் சிறகைக் கேட்டேன்
உச்சந்தலைமேல் மழையைக் கேட்டேன்
உள்ளங்காலில் நதியைக் கேட்டேன்
பண்கொண்ட பாடல் பயிலக் கேட்டேன்
பறவைக்கிருக்கும் வானம் கேட்டேன்
நன்றி கெடாத நட்பைக் கேட்டேன்
நடுங்கவிடாத செல்வம் கேட்டேன்
மலரில் ஒரு நாள் வசிக்கக் கேட்டேன்
மழையின் சங்கீதம் ருசிக்கக் கேட்டேன்
நிலவில் நதியில் குளிக்கக் கேட்டேன்
நினைவில் சந்தனம் மணக்கக் கேட்டேன்
விழுந்தால் நிழல் போல் விழவே கேட்டேன்
அழுதால் மழை போல் அழவே கேட்டேன்
ஏகாந்தம் என்னோடு வாழக் கேட்டேன்
எப்போதும் சிரிக்கின்ற உதடுகள் கேட்டேன்
பனித்துளி போல் ஒரு சூரியன் கேட்டேன்
சூரியன் போல் ஒரு பனித்துளி கேட்டேன்
ராஜராஜனின் வாளைக் கேட்டேன்
வள்ளுவன் எழுதிய கோலைக் கேட்டேன்
பாரதியாரின் சொல்லைக் கேட்டேன்
பார்த்திபன் தொடுத்த வில்லைக் கேட்டேன்
மாயக் கண்ணன் குழலைக் கேட்டேன்
மதுரை மீனாக்ஷி கிளியைக் கேட்டேன்
சொந்த உழைப்பில் சோறைக் கேட்டேன்
தொட்டுக் கொள்ள பாசம் கேட்டேன்
மழையைப் போன்ற பொறுமையைக் கேட்டேன்
புல்லைப் போன்ற பணிவைக் கேட்டேன்
புயலைப் போன்ற துணிவைக் கேட்டேன்
இடியைத் தாங்கும் துணிவைக் கேட்டேன்
இழிவைத் தாங்கும் இதயம் கேட்டேன்
துரோகம் தாங்கும் வலிமை கேட்டேன்
தொலைந்துவிடாத பொறுமையைக் கேட்டேன்
சொன்னது கேட்கும் உள்ளம் கேட்டேன்
சொன்னால் சாகும் வேகம் கேட்டேன்
கயவரை அறியும் கண்கள் கேட்டேன்
காலம் கடக்கும் கால்கள் கேட்டேன்
சின்னச் சின்ன தோல்விகள் கேட்டேன்
சீக்கிரம் ஆறும் காயம் கேட்டேன்
மூடியில்லாத முகங்கள் கேட்டேன்
போலியில்லாத புன்னகை கேட்டேன்
தவழும் வயதில் தாய்ப்பால் கேட்டேன்
தாவும் வயதில் பொம்மைகள் கேட்டேன்
ஐந்து வயதில் புத்தகம் கேட்டேன்
ஆறாம் விரலாய் பேனா கேட்டேன்
காசே வேண்டாம் கருணை கேட்டேன்
தலையணை வேண்டாம் தாய்மடி கேட்டேன்
கூட்டுக்கிளிபோல் வாழக் கேட்டேன்
குறைந்தபட்ச அன்பைக் கேட்டேன்
இத்தனை கேட்டும் கிடைக்கவில்லை
இதிலே எதுவும் நடக்கவில்லை
வாழ்வே வாழ்வே வேண்டாமென்று
மரணம் மரணம் மரணம் கேட்டேன்

- வைரமுத்து

எகிறி குதித்தேன் வானம் இடித்தது

படம் : பாய்ஸ் (Boys)

எகிறிக் குதித்தேன் வானம் இடித்தது
பாதங்கள் இரண்டும் பறவை ஆனது
விரல்களின் காம்பில் பூக்கள் முளைத்தது
புருவங்கள் இறங்கி மீசையானது

அலெ அலெ ...

ஆனந்த தண்ணீர் மொண்டு குளித்தேன்
ஒவ்வொரு பற்களிலும் சிரித்தேன்
கற்கண்டைத் தூக்கிக் கொண்டு நடந்தேன்
ஒரு எறும்பாய்...
நான் தண்ணீரில் மெல்ல மெல்ல நடந்தேன்
ஒரு இலையாய்... (அலே அலே...)

காதல் சொன்ன கணமே - அது
கடவுளைக் கண்ட கணமே
காற்றாய் பறக்குது மனமே ஓ...ஹோ... (காதல்)

நரம்புகளில் மின்னல் நுழைகிறதே
உடல் முழுதும் நிலவுதிக்கிறதே
வெண்ணிலவை இவன் வருடியதும்
விண்மீனாய் நான் சிதறிவிட்டேன்
ஒரு விதை இதயத்தில் விழுந்தது
அது தலை வரை கிளைகளாய் முளைக்கிறதே (அலே அலே...)

கலங்காத குளமென இருந்தவள்
ஒரு தவளை தான் குடித்ததும் வற்றிவிட்டேன் (காதல்)

மணல் முழுதும் இன்று சர்க்கரையா?
கடல் முழுதும் இன்று குடிநீரா?
கரை முழுதும் உந்தன் சுவடுகளா?
அலை முழுதும் உந்தன் புன்னகையா?
காகிதம் என் மேல் பறந்ததும்
அது கவிதை நூல் என மாறியதே! (அலே அலே)

வானவில் உரசியே பறந்ததும்
இந்தக் காக்கையும் மயில் என மாறியதே (காதல்)

 

- கபிலன்

பூங்காற்றிலே உன் சுவாசத்தை

படம்: உயிரே

பூங்காற்றிலே உன் சுவாசத்தை
தனியாக தேடிப் பார்த்தேன்
கடல் மேல் ஒரு துளி வீழ்ந்ததே
அதைத் தேடித் தேடிப் பார்த்தேன்
உயிரின் துளி காயும் முன்னே
என் விழி உனை காணும் கண்ணே
என் ஜீவன் ஓயும் முன்னே
ஓடி வா..

காற்றின் அலை வரிசை கேட்கின்றதா
கேட்கும் பாட்டில் ஒரு உயிர் விடும்
கண்ணீர் வழிக்கின்றதா
நெஞ்சு நனைகின்றதா
இதயம் கருகும் ஒரு வாசம் வருகின்றதா
காற்றில் கண்ணீரை ஏற்றி
கவிதைச் செந்தேனை ஊற்றி
கண்ணே உன் வாசல் சேர்த்தேன்
ஓயும் ஜீவன் ஓடும் முன்னே
ஓடி வா..

வானம் எங்கும் உன்
பிம்பம்
ஆனால் கையில் சேரவில்லை
காற்றில் எங்கும் உன் வாசம்
வெறும் வாசம் வாழ்க்கையில்லை
உயிரை வேரோடு கிள்ளி
என்னைச் செந்தீயில் தள்ளி
எங்கே சென்றாயோ கள்ளி
ஓயும் ஜீவன் முன்னே
ஓடோடி வா..

- வைரமுத்து

நெஞ்சுக்குள்ளே உம்ம முடிஞ்சிருக்கேன்

படம்: கடல்

நெஞ்சுக்குள்ளே உம்ம முடிஞ்சிருக்கேன்
இங்க எத்திசையில் என் பொழப்பு விடிஞ்சிருக்கோ

வெள்ள பார்வை வீசிவிட்டீர் முன்னாடி
இந்த தாங்காத மனசு தண்ணி பட்ட கண்ணாடி
வண்ண மணியாரம், வலதுகை கெடியாரம்
ஆனை புலியெல்லாம் அடக்கும் அதிகாரம்
நீர் போன பின்னும் நிழல் மட்டும் போகலையே போகலையே
நெஞ்சுக்குழியில் நிழல் வந்து சேர்ந்து நின்னுடுச்சே
அப்ப நிமிந்தவதான் அப்புறமா குனியலையே குனியலையே
கொடகம்பி போல மனம் குத்தி நிக்குதே

நெஞ்சுக்குள்ளே...

பச்சி ஓரங்கிடிச்சு பால் தயிரா தூங்கிருச்சு
இச்சி மரத்துமேல இல கூட தூங்கிருச்சு
காசநோய் காரிகளும் கண்ணொறங்கும் வேளையிலே
ஆச நோய் வந்த மக அரை நிமிஷம் தூங்கலையே

நெஞ்சுக்குள்ளே...

ஓ...ஒரு வாய் இறங்கலையே உள்நாக்கு நனையலையே
ஏழெட்டு நாளா எச்சில் முழுங்கலையே
ஏழை இளஞ்சிருக்கி ஏதும் சொல்ல முடியலையே
ரப்பர் வளவிக்கெல்லாம் சத்தமிட வாயில்லையே

நெஞ்சுக்குள்ளே...

வெள்ள பார்வை வீசிவிட்டீர் முன்னாடி...
நெஞ்சுக்குள்ளே...

- வைரமுத்து

காதல் செய், காதல் செய்

படம் : அறை எண் 305ல் கடவுள்
 
காதல் செய், காதல் செய்
கண்ணில் பட்டதை காதல் செய்.
 
காதல் செய், காதல் செய்
உன்னில் உள்ளதை காதல் செய்.
 
காதல் செய், காதல் செய்
மஞ்சள் வெயிலை காதல் செய். ஹோய்..
 
காதல் செய், காதல் செய்
வெள்ளை மழையை காதல் செய்.
 
திண்ணை வைத்த வீட்டை,
சிட்டுக்குருவி கூட்டை,
தாடி வைத்த ஆட்டை காதல் செய்.
 
வண்ணப்பூக்கள் தோட்டம்,
வெள்ளிப் பனிமூட்டம்,
விண்ணில் மேகக்கூட்டம் காதல் செய்.
 
வாழும்.. வாழ்வை.. நீ காதல் செய்.
ஓடும்.. ஆற்றை.. நீ காதல் செய்.
போகும்.. ஊரை நீ காதல் செய், காதல் செய்.
 
காதல் செய், காதல் செய்
கண்ணில் பட்டதை காதல் செய்.
 
காதல் செய், காதல் செய்
உன்னில் உள்ளதை காதல் செய்.
 
நான் என்ற அகந்தை துளியும் இன்றி உயர்ந்த மலைகள்,
கால்மிதித்த இடத்தில் பாத சுவட்டை அழிக்கும் அலைகள்,
 
மாட்டுக்கொம்பில் கட்சி பாசம்,
டாட்டா காட்டும் குழந்தை நேசம்,
காற்றில் வரும் மீன்கள் வாசம்
இதையும் காதல் செய்.
 
காதல் செய், காதல் செய்
கண்ணில் பட்டதை காதல் செய்.
 
காதல் செய், காதல் செய்
உன்னில் உள்ளதை காதல் செய்.
 
யார் மூச்சை சுமந்த காற்றில் மிதக்கும் பலூனின் பயணம்.
நார் ஆகும் வாழ்வில் பூத்துச்சிரிக்கும் வாழைத்தோட்டம்.
 
பனை மர ராணுவ வரிசை
படித்துறை ஒற்றை கொலுசை,
ஆண்டன முளைத்த குடிசை
இதையும் காதலிப்போம்.
 
காதல் செய், காதல் செய்
கண்ணில் பட்டதை காதல் செய்.
காதல் செய், காதல் செய்
உன்னில் உள்ளதை காதல் செய்.
 
திண்ணை வைத்த வீட்டை,
சிட்டுக்குருவி கூட்டை,
தாடி வைத்த ஆட்டை காதல் செய்.
 
வண்ணப்பூக்கள் தோட்டம்,
வெள்ளிப் பனிமூட்டம்,
விண்ணில் மேகக்கூட்டம் காதல் செய்.
 
வாழும்.. வாழ்வை.. நீ காதல் செய்.
ஓடும்.. ஆற்றை.. நீ காதல் செய்.
போகும்.. ஊரை நீ காதல் செய், காதல் செய்.
 
- நா முத்துகுமார்

கண்டாங்கி கண்டாங்கி கட்டி வந்த பொண்ணு

கண்டாங்கி கண்டாங்கி கட்டி வந்த பொண்ணு
கண்டாலே கிறுகேத்தும் கஞ்சா வச்ச கண்ணு
அந்த கண்ணுக்கு அஞ்சு லட்சம் தாரேன்டி
அந்த நெஞ்சுக்கு சொத்தெழுதி தாரேன்டி
முத்தம் தரீயா ஒஹோ


அடி உன் வீடு தல்லாகுளம்
என் வீடு தெப்பகுளம்
நீரோடு நீரு சேரட்டுமே
அழகர் மலைக் கோயில் யானை வந்து
அல்வாவை தின்பது போல்
என் ஆச உன்ன தின்னட்டுமே

ஒத்தைக்கு ஒத்த அழைக்கும் அழகு
ஒத்த பக்கம் ஒதுங்கும் பொழுது
புத்திக்குள்ள அரிக்குது நெத்திகுள்ள
துடிக்குது
வெள்ள முழி வெளிய தெரிய
கள்ள முழி முழிக்கும் பொழுது
என் உசுரு ஒடுங்குது ஈரக்குலை நடுங்குது
சின்ன சின்ன பொய்யும் பேசுற
ஜிவ்வுனுதான் சூடும் ஏத்துற
நீ பார்த்தாக்கா தென்னமட்ட
பாஞ்சாக்கா தேக்கங்கட்ட
பாசாங்கு வேணாம் சுந்தரரே
நீ தேயாத நாட்டுக்கட்ட
தெரியாம மாட்டிக்கிட்ட
என் ராசி என்றும் மன்மதனே

கண்டாங்கி கண்டாங்கி கட்டி வந்த பொண்ணு
கண்டாலே கிறுகேத்தும் கஞ்சா வச்ச கண்ணு

கண்ணுக்குள்ள இறங்கி இறங்கி
நெஞ்சுக்குள்ள உறங்கி உறங்கி
என் உசுர பறிக்குற என்ன செய்ய நினைக்குற
அம்பு விட்டு ஆள அடிக்குற
தும்ப விட்டு வால பிடிக்குற
தாலி இல்லாத சம்சாரமே
தடையில்லா மின்சாரமே
விளக்கேத்த வாடி வெண்ணிலவே
எந்தன் மார்போட சந்தனமே
மாராப்பு வைபோகமே
முத்தாட வாயா முன்னிரவே

கண்டாங்கி கண்டாங்கி கட்டி வந்த பொண்ணு
கண்டாலே கிறுகேத்தும் கஞ்சா வச்ச கண்ணு
இந்த கண்ணுக்கு அஞ்சு லட்சம் போதாது
இந்த நெஞ்சுக்கு சொத்தெழுதி தீராது
தள்ளி நில்லையா
கண்டாங்கி கண்டாங்கி
கண்டாலே கிறுகேத்தும்
கஞ்சா வச்ச கண்ணு

 

- வைரமுத்து

படைப்புகளை வெளியிட

 உங்கள் கவிதையை இந்த இணையதளத்தில் வெளியிட விரும்பினால் "இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.இம்மின்னஞ்சல் முகவரியானது spambots இடமிருந்து பாதுகாக்கப்படுவதால், நீங்கள் இதைப் பார்ப்பதற்கு JavaScript ஐ இயலுமைப்படுத்த வேண்டும் " என்ற முகவரிக்கு மின்-னஞ்சல் செய்யுங்கள் அல்லது இந்த இணைப்பில் உங்கள் கவிதைகளைப் பதியுங்கள். தயவுசெய்து தங்கள் கவிதையை தமிழில் தட்டச்சு செய்து அனுப்பவும்.

கவிதைச் சார்ந்த

பயனாளர் பகுதி