கவிதை

தமிழ்ச் சொட்டும் கவிதைகள்!

மொழிபெயர்ப்பு கவிதைகள்

தமிழில் மொழிபெயர்க்கப்பட்ட பிறமொழி கவிதைகளின் தொகுப்பு

கலப்பினம்

பயனாளர் மதிப்பீடு: 0 / 5

இயங்காத நட்சத்திரம்இயங்காத நட்சத்திரம்இயங்காத நட்சத்திரம்இயங்காத நட்சத்திரம்இயங்காத நட்சத்திரம்

என் அப்பா ஒரு கிழட்டு வெள்ளையன்,
என் அம்மாக் கிழமோ கறுப்பு,
எப்போதேனும் என் கிழ அப்பனைத் திட்டியிருந்தால்
என் வசையைத் திரும்ப வாங்கிக் கொள்கிறேன்

எப்போதேனும் என் கறுப்பு அம்மாக் கிழத்தை
நரகத்திற்குப் போய்த்தொலை என்று திட்டியிருந்தால் ,
என் அந்தத் தப்புக்கு வருந்துகிறேன்
நல்லாயிருக்கட்டும் அவள்.

 

என் கிழ அப்பன் ஒரு பெரிய மாளிகையில் செத்தான்,
என் அம்மாவோ ஒரு குடிசையில் செத்தாள்.
நான் இறக்கும் போது எங்கோ இருப்பேனோ யார் கண்டார்
வெள்ளைக்காரனும் இல்லை நான், கறுப்பனும் இல்லை நான்.

- லாங்ஸ்டன் ஹ்யூ (மொழிபெயர்ப்பு : கோபால் ராஜாராம்)

Add a comment

மேன்மை மிகு தேசமே

பயனாளர் மதிப்பீடு: 5 / 5

இயங்கும் நட்சத்திரம்இயங்கும் நட்சத்திரம்இயங்கும் நட்சத்திரம்இயங்கும் நட்சத்திரம்இயங்கும் நட்சத்திரம்

 

 புதிய வாழ்வொன்று கிளர்ந்தெழும்

 மேன்மை மிகு தேசமே
இருள் மிகுந்த பெருந்துயர் இரவில்
திரிகைக்கல் சுழலலாம்
மேலும் சுழலலாம்
ஆயின்உன் ஒளியை அழித்தொழிப்பதற்கு
அவற்றால் இயலா
அவை மிகச் சிறியன.

ஓ பெரிய தேசமே
ஓ ஆழமான காயமே
தனிப்பெரும் காதலே
நசுக்கப்பட்ட உன் நம்பிக்கைகளில் இருந்து
ஒடுக்கப்பட்ட உன் வளர்ச்சியில் இருந்து
திருடப்பட்ட உன் முறுவலில் இருந்து
திருடப்பட்ட
உன் குழந்தைகளின் சிரிப்பில் இருந்து
சிதைவுகளிலிருந்து
சித்திரவதைகளில் இருந்து
இரத்தம் உறைந்த சுவர்களில் இருந்து
வாழ்வினதும் மரணத்தினதும்
நடுக்கங்களில் இருந்து
.

அது எழவே செய்யும்.

- பாலஸ்தீனக் கவிஞர் ஃபத்வா துக்கான்

(மொழிபெயர்ப்பு எம். ஏ. நுஃமான்)

Add a comment

படைப்புகளை வெளியிட

 உங்கள் கவிதையை இந்த இணையதளத்தில் வெளியிட விரும்பினால் "இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.இம்மின்னஞ்சல் முகவரியானது spambots இடமிருந்து பாதுகாக்கப்படுவதால், நீங்கள் இதைப் பார்ப்பதற்கு JavaScript ஐ இயலுமைப்படுத்த வேண்டும் " என்ற முகவரிக்கு மின்-னஞ்சல் செய்யுங்கள் அல்லது இந்த இணைப்பில் உங்கள் கவிதைகளைப் பதியுங்கள். தயவுசெய்து தங்கள் கவிதையை தமிழில் தட்டச்சு செய்து அனுப்பவும்.

கவிதைச் சார்ந்த

 

இன்றைய கவிதை

பயனாளர் பகுதி