மேன்மை மிகு தேசமே
பயனாளர் மதிப்பீடு: 5 / 5
- விவரங்கள்
- பிரிவு: மொழிபெயர்ப்பு கவிதைகள்
- வெளியிடப்பட்டது: செவ்வாய்க்கிழமை, 05 மே 2009 19:00
- எழுத்தாளர்: பாலஸ்தீனக் கவிஞர் ஃபத்வா துக்கான்
- படிப்புகள்: 2610
மேன்மை மிகு தேசமே
இருள் மிகுந்த பெருந்துயர் இரவில்
திரிகைக்கல் சுழலலாம்
மேலும் சுழலலாம்
ஆயின்உன் ஒளியை அழித்தொழிப்பதற்கு
அவற்றால் இயலா
அவை மிகச் சிறியன.
ஓ பெரிய தேசமே
ஓ ஆழமான காயமே
தனிப்பெரும் காதலே
நசுக்கப்பட்ட உன் நம்பிக்கைகளில் இருந்து
ஒடுக்கப்பட்ட உன் வளர்ச்சியில் இருந்து
திருடப்பட்ட உன் முறுவலில் இருந்து
திருடப்பட்ட
உன் குழந்தைகளின் சிரிப்பில் இருந்து
சிதைவுகளிலிருந்து
சித்திரவதைகளில் இருந்து
இரத்தம் உறைந்த சுவர்களில் இருந்து
வாழ்வினதும் மரணத்தினதும்
நடுக்கங்களில் இருந்து
.
அது எழவே செய்யும்.
- பாலஸ்தீனக் கவிஞர் ஃபத்வா துக்கான்
(மொழிபெயர்ப்பு எம். ஏ. நுஃமான்)