கவிதை

தமிழ்ச் சொட்டும் கவிதைகள்!

கவிதை கவிதைகள்

விசித்திரப் பறவை

பயனாளர் மதிப்பீடு: 0 / 5

இயங்காத நட்சத்திரம்இயங்காத நட்சத்திரம்இயங்காத நட்சத்திரம்இயங்காத நட்சத்திரம்இயங்காத நட்சத்திரம்

ஒரு சிறகு
கறுப்பு
மறு சிறகு
வெளிச்சம்

எந்தவொரு
வீதியிலும்
இரை கொத்தாமல்
எந்தவொரு
கிளையிலும்
இளைப்பாறாமல்

என்னமாய்...
வேகத்துடன் பறக்கிறது
காலக்கிளி

 - கவித்தாசபாபதி

Add a comment

தடங்கள்

பயனாளர் மதிப்பீடு: 0 / 5

இயங்காத நட்சத்திரம்இயங்காத நட்சத்திரம்இயங்காத நட்சத்திரம்இயங்காத நட்சத்திரம்இயங்காத நட்சத்திரம்

நகரின்

தடங்கள் அனேகமாய்

பராமரிப்பில் மேம்பாட்டில்

ஒன்று அடைபட

ஒன்று திறக்கும்

 

காத்திருப்பின்

கடுமைக்கு

வழிமறிப்பே

குப்பையின்

எதிர்வினை

சுதந்திர வேட்கை

அடிக்கடி

சாக்கடைக்குள்

பீறிட்டெழும்

 

மண் வாசனை

நெல் மணம்

மாங்குயிலின் கூவல்

தும்பி தேன்சிட்டு

என்னுடன் கோலத்தில்

புள்ளிகளாய்

இருந்த காலத்தின்

தடம்

மங்கலாய் மிளிர்ந்து

மறையும்

 

நகரம் நீங்கிச்

செல்லக் காணிக்கை

தந்தாலே

நெடுஞ்சாலை

அனுமதிக்கும்

 

ஆளுயரச் சக்கரங்கள்

விரையும் வாகன

வீச்சிலும் தென்படும்

கோடுகள் இல்லாப் புள்ளிகள்

மட்டும்

காய்ந்த மண் நெடுகத்

தடமே இல்லை

 

அரியதாய் எங்கோ

ஈர மண்

அதுவும் சுமக்கும்

டிராக்டரின் தடம்

 

- சத்யானந்தன்

Add a comment

காவல்

பயனாளர் மதிப்பீடு: 0 / 5

இயங்காத நட்சத்திரம்இயங்காத நட்சத்திரம்இயங்காத நட்சத்திரம்இயங்காத நட்சத்திரம்இயங்காத நட்சத்திரம்

விற்பனைக்காக துகிலுரிக்கப்பட்டு
விலைமாதர்களாக வீட்டுப்பெண்கள்.
சதுர அடி விற்பனையில்
சமாதியான விளைநிலங்கள் !

ஆவின்பால் ஆக்கிரமிப்பால்
அழிக்கப்பட்ட வீட்டுத்தொழுவங்கள் !
பதப்படுத்திய பாலின் ராசியால்
மறந்துபோன சீம்பால் ருசி !

பாதாளத்தில் பல்லாங்குழி
மாயமான தாயம்
உருக்குலைந்த ஊரணி
கட்டடங்களான கண்மாய்
வாழ்விழந்த வறட்டி
கற்பிழந்த கம்பங்கூழ்
குலைந்த கூட்டாஞ்சோறு
அழகிழந்த அம்மிக்கல்
ஆவியான ஆட்டுக்கல்
கிராமங்களில் தொலைந்த
கிராமியம் !

காணாமல் போன கிராமங்களை
கண்டுபிடிக்க முடியாமல்
கவலையோடு நிற்கின்றன
காவல் தெய்வங்கள் !

- தாயுமானவன் மதிக்குமார்

Add a comment

ரயில் சினேகம்!

பயனாளர் மதிப்பீடு: 0 / 5

இயங்காத நட்சத்திரம்இயங்காத நட்சத்திரம்இயங்காத நட்சத்திரம்இயங்காத நட்சத்திரம்இயங்காத நட்சத்திரம்

உதடுகளில் சிவப்புச் சாயம்;
இன்று பூத்த மல்லிகை மலர்கள் போல் கண்கள்;
சுருண்டு விழும் தங்க நிறக் கூந்தல்;
கால் மேல் கால் போட்டபடி,
நீண்ட கால்கள்;
மேல் காலில்
பாதி கழற்றிய,ஊஞ்சலாடும் ஹை ஹீல்ஸ்.

இரயில் பெட்டியில்
சகபயணியிடம்
உரக்கப் பேசிச்
சிரித்துக் கொண்டே வந்த அவள்,
ஏதோ நிருத்தத்தில்
'டக்', 'டக்' என இறங்கிச் செல்ல,
தொலைந்து போனப் பரிதாபமான ஆடுகள் போல்
எங்கள் கண்களும்
கீழே இறங்கி அவளையே பின்தொடர்கின்றன.

-  பார்த்திபன்

Add a comment

க‌ப்பல் கவிதை

பயனாளர் மதிப்பீடு: 0 / 5

இயங்காத நட்சத்திரம்இயங்காத நட்சத்திரம்இயங்காத நட்சத்திரம்இயங்காத நட்சத்திரம்இயங்காத நட்சத்திரம்

ஒரு காகிதத்தைக் கொடுத்து
ஒரு நல்ல கவிதை எழுதென்றார்கள்

எது நல்ல கவிதையென்றேன்?

“நீ சொல்லாமல் சொல்லியிருக்கவேண்டும்
நீ சொல்லாததும் அதிலிருக்கவேண்டும்
க‌விதை
நில்லாம‌ல்
ஓட‌ வேண்டும்
வானம் போல்
இல்லாத ஒன்றுக்கும் நிறம் தர வேண்டும்
வார்த்தை ஒவ்வொன்றும்
எழுந்து நிற்க வேண்டும்
காதல் இருக்கவேண்டும்
காமம் இருக்கவேண்டும்
களப் போராளியின்
வீரமிருக்க வேண்டும்
நீ இருக்க‌ வேண்டும்
குறிப்பாக‌
நானுமிருக்க‌ வேண்டும்”

எனக்கவர்கள் வேண்டுதல்க‌ள் புரிந்தது

காகிதத்தை
மடித்து
மடித்து
.
.
.
.
.
மடித்து
பிரித்து
சேர்த்து
விரித்து
கொடுத்தேன்

தலைப்புக் கேட்டார்கள்

‘க‌ப்பல்’ என்றேன்

-  சங்கர்

Add a comment

காதல் அல்ல

பயனாளர் மதிப்பீடு: 0 / 5

இயங்காத நட்சத்திரம்இயங்காத நட்சத்திரம்இயங்காத நட்சத்திரம்இயங்காத நட்சத்திரம்இயங்காத நட்சத்திரம்

எதிர்பாராத பார்வை
மறக்கமுடியாத புன்னகை
நெருங்க மறுக்கும் தயக்கம்
அருகிலிருந்தும் தனிமை
காயப்பட்டும் இனிமை
அட,
இது காதலினால் அல்ல
கல்லூரியில் முதல் வாரம்...

- வீரமுத்ரன்

Add a comment

படைப்புகளை வெளியிட

 உங்கள் கவிதையை இந்த இணையதளத்தில் வெளியிட விரும்பினால் "இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.இம்மின்னஞ்சல் முகவரியானது spambots இடமிருந்து பாதுகாக்கப்படுவதால், நீங்கள் இதைப் பார்ப்பதற்கு JavaScript ஐ இயலுமைப்படுத்த வேண்டும் " என்ற முகவரிக்கு மின்-னஞ்சல் செய்யுங்கள் அல்லது இந்த இணைப்பில் உங்கள் கவிதைகளைப் பதியுங்கள். தயவுசெய்து தங்கள் கவிதையை தமிழில் தட்டச்சு செய்து அனுப்பவும்.

கவிதைச் சார்ந்த

 

இன்றைய கவிதை

பயனாளர் பகுதி