கவிதை

தமிழ்ச் சொட்டும் கவிதைகள்!

கவிதை

காதலின் கடைசி ஸ்டேஷன்

பயனாளர் மதிப்பீடு: 5 / 5

இயங்கும் நட்சத்திரம்இயங்கும் நட்சத்திரம்இயங்கும் நட்சத்திரம்இயங்கும் நட்சத்திரம்இயங்கும் நட்சத்திரம்
 
காதலின் கடைசி ஸ்டேஷன்
காதலின் கடைசி ஸ்டேஷன்
வருமுன்பே விழிப்பு வந்து விடுகிறது
உறக்கம் கலைய முகம் கழுவுகையில்
தீஞ்சுவையோடு கழிந்த
இன்பப் பயணம் நினைவு வராமல்
இறங்க வேண்டிய சுமையும்
ஏறிக் கடக்க வேண்டிய
மாற்றமறியா நடைமுறைகளின்
மேம்பாலப் படிக்கட்டுகளும்
வெறிச்சோடிய மனத்தோடு
வெளியுலக அவசரங்களும்
மட்டுமே முந்தி நிற்கின்றன
அவளது கதகதப்பும்
அவளது வாசனையும்
இன்னும் முற்றிலும்
அகலாத அந்தப் போர்வையை
மடித்துத் தயாராகிக் கொண்டிருக்கும்
அவளும் அதற்கு முந்திய
இரவுகளின் இருளை
எரித்து எரித்துச் சிரித்த
நிலவும் நட்சத்திரங்களும்
ஒரு முடிவோடு தான் காத்திருக்கின்றன
இனி அவளை முத்தமிட முடியாது
அதே நிலவும் அதே நட்சத்திரங்களும்
அவளைப் போலவே கூடவே
வந்தாலும் அவர்கள்
அந்தப் பழைய அவர்களல்ல
காதல் மங்கித் தேய்ந்து போனதை
இமைகள் மூடி மூடி நினைவூட்டுகின்றன
ஏற்க விதிக்கப்பட்டிருக்கிரோம் எல்லாருமே.

- வையவன்

படைப்புகளை வெளியிட

 உங்கள் கவிதையை இந்த இணையதளத்தில் வெளியிட விரும்பினால் "இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.இம்மின்னஞ்சல் முகவரியானது spambots இடமிருந்து பாதுகாக்கப்படுவதால், நீங்கள் இதைப் பார்ப்பதற்கு JavaScript ஐ இயலுமைப்படுத்த வேண்டும் " என்ற முகவரிக்கு மின்-னஞ்சல் செய்யுங்கள் அல்லது இந்த இணைப்பில் உங்கள் கவிதைகளைப் பதியுங்கள். தயவுசெய்து தங்கள் கவிதையை தமிழில் தட்டச்சு செய்து அனுப்பவும்.

கவிதைச் சார்ந்த

 

இன்றைய கவிதை

பயனாளர் பகுதி