கவிதை

தமிழ்ச் சொட்டும் கவிதைகள்!

ஹைக்கூ கவிதைகள்

அடி, உதை, குத்து

அடி, உதை, குத்துக்கு…
உடம்பு வலித்தும்
உள்ளம் வலிக்கவில்லை…
பேரப்பிள்ளைகளின் செல்லம்?
-  ஜெய் ( jaisapmm )
Add a comment

வல்லினம் மெல்லினம் ...

காதலிக்கு காதலன் எழுதிய மடல்...
நான் வல்லினம்

நீ மெல்லினம்

அம்மா இடையினம்.

அப்பன்  தடை இனம்

- சா.முகம்மது அபுபக்கர்
Add a comment

நகைப்பா

நகைப்பா
...

மழைக்காரன் வருகின்றான்
மெல்லமெல்ல
எழைகளின்புன்னகையைப்போல

...

எப்பொழுதும் அலங்காரத்துடன்
வாழ்கிறார்கள்திருநங்கைகள்
சாயம்போனவாழ்க்கை

...

அப்பா என்னை
அடிக்கும்பொழுதெல்லாம்
அம்மாவிற்கும் வலிப்பதெப்படி

...

கனவில் தினமும்
தோள் சாய்கிறாள்
விவாகரத்தான மனைவி

...

ஊர்சுற்றும் பிள்ளையின்
வேலைக்காக
கோயில் சுற்றும் அம்மா

...

அடிக்கடி வருவார்
அம்மாவின் வார்த்தைகளில்
இறந்துபோன அப்பா

...

அம்மாவின் கடுதாசி
பாதியில் படிக்கிறது
என்னோடு கண்ணீரும்

...

கடும் வெய்யிலிலும்
குளிர்கிறது மனம்
அருகில் மனைவியின் தோழி

...

கள்ளகாதலியின் முத்தம்
காய்வதற்கு முன்
மனைவியின் ஞாபகம்

...

எனக்கு பிடித்த உன்னை
எப்படி பிடிக்காமல் போனது
உன் கணவனுக்கு

...

பூவா தலையா
பூ கேட்கிறாள்
விதவை

...

முதியோர்களின்
முழுநேரப்பேச்சிலும்
இளமைக்காலம்

...

கல்லும் இருந்தது
நாயும் இருந்தது
கைஉடைந்த நேரத்தில்

...

அன்னையும் பிதாவும்
படித்துக்கொண்டிருக்கிறது
ஆனாதைக் குழந்தை

...

அதிவேகமாய் ஓடினான்
ஓட்டப்பந்தய வீரன்
அடுத்த வீட்டுப்பெண்ணுடன்

...

மாற்றுஅறுவை சிகிச்சை
செய்துமுடித்தார் மருத்துவர்
நோயாளியைமாற்றி

...

ஏட்டிக்குப் போட்டி பேசும் பாட்டி
இறந்த பிறகும்
மூடவில்லை வாய்

...

வாய்ப்பாட்டு பாடுபவனின்
வயிற்றிலும் பாட்டிலும்
பசி

...

நன்றியுள்ள நாய்
வாலை ஆட்டியது
திருடனுக்கு

...

மனதில்
எழுதுகோல் பற்றிய கவிதை
மைதீர்ந்த பிறகும்


- மாமதயானை
Add a comment

தடுமாறும் தண்டவாளங்கள்

நீ தடுமாறுகிறாயோ இல்லையோ,
உன்னால் தண்டவாளங்கள்
தடுமாறி தடம் மாறுகின்றன.
விபத்துகளுக்கு
உன்னை காரணம் காட்டப்போகிறதாம்
ரயில்வேதுறை....
- கவிதை காதலன்
Add a comment

காத்து இருக்கிறேன்

பிரிந்து விட்ட பின்பும்
காத்து இருக்கிறேன்!
உன் நினைவுகளின்
வருகைக்காக!
- உமா
Add a comment

விதி

ஆயுள் ரேகை இருந்தும்
இறந்து கிடக்கிறது...
பழுத்த இலை
- முத்து கருப்புசாமி
Add a comment

மாற்றம்



அருகில் இருக்கையில்
உனை பார்க்க தவிர்த்த கண்கள்
தொலைவில் இருக்கையில்
உனை பார்க்க தவிக்கின்றன
- நளினி
Add a comment

ஆண்டின் இறுதி

calendar
ஆண்டின் இறுதியில் என்னைப் பார்த்து
காலண்டர் கேட்டது

என்னைத் தவிர வேறென்னத்தை
கிழித்தாய்?
- பிரபா
Add a comment

நிலவுக்கு வந்த கடிதங்கள்

நிலவுக்கு வந்த
கோடி காதல் கடிதங்கள்
நட்சத்திரம் !

- குகன்
Add a comment

வலுக்கட்டாயமாக ஒரு முத்தம்


அனுமதி கேட்கவும் இல்லை...
அனுமதி வழங்கவும் இல்லை...

ஆனால்..

வலுக்கட்டாயமாக
ஒரு முத்தம்...

மண்ணில் மழைத்துளி

- குரு

Add a comment

படைப்புகளை வெளியிட

 உங்கள் கவிதையை இந்த இணையதளத்தில் வெளியிட விரும்பினால் "இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.இம்மின்னஞ்சல் முகவரியானது spambots இடமிருந்து பாதுகாக்கப்படுவதால், நீங்கள் இதைப் பார்ப்பதற்கு JavaScript ஐ இயலுமைப்படுத்த வேண்டும் " என்ற முகவரிக்கு மின்-னஞ்சல் செய்யுங்கள் அல்லது இந்த இணைப்பில் உங்கள் கவிதைகளைப் பதியுங்கள். தயவுசெய்து தங்கள் கவிதையை தமிழில் தட்டச்சு செய்து அனுப்பவும்.

கவிதைச் சார்ந்த

 

இன்றைய கவிதை

பயனாளர் பகுதி